سجينة الأحزان

بسم الله الرحمن الرحيم

وأسعدتم بكل خير بداية أعايد بكم أحبتي و زوار مدونتي الحبيبة وكل عام وأنتم بألف خير وتقبل الله طاعتنا وطاعتكم .... أعترف إنني أصبت بالتقصير ولم يسعني الوقت للكتابة بخلال الشهر الفضيل تقاعست بعض الشيء وحتى وان كانت لدي بعض الأفكار لتدوينها وأيضاً مشاكل اشتراكات dsl وشركة الاتصالات طفشت من التقطيع المستمر وبعدها لا مزاج لي للتصفح النت وحتى اني قلت مابطرح موضوع تهنئة أخلي الموضوع مدموج تهنئة مع بعض الأحداث الي عملتها :D

فجأة خطر في بالي فكرة بعد منتصف الشهر وقلت بعمل مسابقة رمضانية بالقروب الخاص بنا وقمت بتجهيز 15 سؤال وحاولت انوع ما بين السهل والصعب والمحير واخترت أسئلة خاصة بمناسبات وأحداث الشهر وأخرى متعلقة بقصص القرآن الأسئلة كانت كلها دينية وبالمرة خليتهم يستفيدوا ويفتشوا عن الإجابات لأنهم قالوا لي بعض الأسئلة صعبة و15 سؤال وااااااااااااجد شكلهم بس يبغوا الهدايا لأني وعدتهم بتوزيع هدايا لأول ثلاثة إجاباتهم صح وأعطيتهم مهلة لأجابة وكانت عشرة أيام >>> كافية لحل 15 سؤال و وضعت لهم خيارات للتدويخهم مع الأسئلة المحيرة بالفعل لقيت تجاوب وتفاعل من قبل أعضائي بالقروب والي كان يرسل مسجات على النت ويسألوني عن تواجدي بالنت وأي ساعة أشبك فيها علشان يستفسروا عن بعض الأسئلة المحيرة اعلاني للمسابقة نفع لأني زعجتهم بالمسجات خخخخههه

أختي قالت لي ليش ماخليتها 30سؤال قلت لها هذة يبغى لها جوائز قيمة على الأقل تذكرة سفر هههخخخ أو عزومة بالمطعم أواقامة بفندق >>> أدري كنت أتفلسف عليها بس كقروب وعددنا محدود يكفي 15 سؤال وان شاء الله الجاية أجهزها من بدري وقلت بخلي الأجابات توصلني على الخاص حتى لا أحد يعرف مين رد خخخخهه لأنه الي ردوا بالأخير علقوا على نفس الأجابات وعلشان ﭼدي قلت مابسوي الفائزين بالقرعة لأنه عمري ما فزت بالقرعة وحتى لا يصير زعل من خسر ومن فاز ومع اني ادري قلوبهم على بعض ولأنه العدد محدود خليها أول ثلاثة فائزين أفضل .......

طبعاً الي شاركوا بس البنات أما الأولاد أوالشباب على قولتهم لأنهم يزعلون مني اذا قلت لهم أولاد خخخخ مو عارفين روحهم وعدوني بالمشاركة ولا شاركوا حتى أخواني اثنيهم قالوا بنشارك >>> يلا خلي الجوائز للبنات مع انهم وجعوا رأسي من كثر ما سألوني من الفائز وعن الأجابات قلت لهم شاركوا واستفيدوا مو فاضين وللباب الحارة فاضين خخخخ

حتى اني تأخرت جداً بإعلان أسماء الفائزين من كثر الزحمة الي عندي وما أعلنت عنهم إلا يوم الجمعة الماضي وإذا شافوني الأهل أقصد أعضاء القروب سألوني عن موعد الإعلان أقولهم قريب وعلى حسب الشبكة الي عندنا >> أخرتني

الحمد الله أعلنت النتيجة بعض الفائزين مو مصدقين إنهم فازوا خخخهههه مع انه البعض الخاسر حسيتهم يبغوا يتغالظوا شوي ويقهروا الفائزين هيك بين لي من الردود وأبناء خالتي المسافرين تابعوني مساكين و ردوا على النتيجة وقالت بنت خالتي أنها مو زعلانه بسبب الخسارة شكلها هي مستانسة بالسفرة ويش بتسوي بالمسابقة خخخخ بس الحمد الله تقول استفادت واجد من الأسئلة والبعض يبغى يتقاسم الهدية خليني بالأول أكمل شراء الهدايا لأني لفيت السوق ومالقيت شيء يعجبني ويناسب المسابقة لأنه جاء على بالي أسوي دروع ومستحيل أحد يوديني الخبر بزحمة الشهر وأنا ما بدي أروح أوجع راسي بالزحمة لأنه في مجمع يسوي دروع ناعمة وبسيطة وعجبتني واهني فيه بس مو نفس النوعية وبعدها اشتريت للمركز الأول ساعة يد رووعة باقي الحين للمركزين نشوف ويش نتشري مع اني قلت بسلم الهدايا بيوم العيد يلا خليها للبعدين ......

ودامت أيامكم فرح وسعادة يارب,,,,